aankh men dahshat na thii haath men khanjar na thaa
— Mohammad Alvi
Aankh men dahshat na thee haath men khanjar na thaa
Saamne dushman thaa par dil men koi Dar na thaa
Us se bhee mil kar hamen marne kee hasrat rahee
Us ne bhee jaane diyaa wo bhee sitamgar na thaa
Ik pahaaDee pe main baiThaa raha der tak
Shauq se dekhaa karoon aisa bhee manzar na thaa
Ham se jo aage ga.e kitne mehrbaan the
Duur talak raah men ek bhee patthar na thaa
Raat bahut der se aankh lagtee thee zaraa
Niind men kamra na thaa khvaab men bistar na thaa
Sher to ham ne bahut Thiik kiyaa thaa magar
Ab bhee ghalat thaa kaheen ab bhee baraabar na thaa
Sochaa thaa is baar to jaa ke 'zafar' se milen
Kya karen 'alvee' magar aisa muqaddar na thaa