aayaa hai ek shakhs ajab aan baan kaa

Aayaa hai ek shakhs ajab aan-baan kaa Naqsha badal gaya hai puraane makaan kaa Taare se TooTte hain abhee tak idhar-udhar Baaqee hai Kuch nasha abhee kal kee uDaan kaa Kaalak see jam rahi hai chamaktee zameen par Sooraj se jal uThaa hai varaq aasmaan kaa Dariya men duur duur talak kashtiyaan na thiin Khatra na thaa havaa ko kisee baadbaan kaa Donon ke dil men khauf thaa maidaan-e-jang men Donon kaa khauf faasla thaa darmiyaan kaa 'alvee' kivaaD khol ke dekhaa to Kuch na thaa Wo to qusoor thaa mire vahm-o-gumaan kaa