aisa huaa nahin hai par aisa na ho kahiin
— Mohammad Alvi
Aisa huaa naheen hai par aisa na ho kaheen
Us ne mujhe na dekh ke dekhaa na ho kaheen
Qadmon kee chaap der se aatee hai kaan men
Koee mire khayaal men phirtaa na ho kaheen
Sankee huee havaaon men khushboo kee aanch hai
Patton men koee phuul dahaktaa na ho kaheen
Ye kaun jhaanktaa hai kivaaDon kee oT se
Battee bujhaa ke dekh saveraa na ho kaheen
'alvee' khuda ke vaaste ghar men paDe raho
Baahar na jaao phir koee jhagDaa na ho kaheen