main apna naam tire jism par likhaa dekhuun

Main apna naam tire jism par likhaa dekhoon Dikhaa.ee degaa abhee battiyaan bujhaa dekhoon Phir us ko paa.oon miraa intizaar karte hue Phir us makaan kaa darvaaza adh-khulaa dekhoon GhaTaa.en aa.en to ghar ghar ko Doobtaa paa.oon Havaa chale to har ik peD ko giraa dekhoon Kitaab kholoon to harfon men khalbalee mach jaa.e Qalam uThaa.oon to kaaghaz ko phailtaa dekhoon Utaar phenkoon badan se phaTee puraanee qamees Badan qamees se baDh kar kaTaa-phaTaa dekhoon Vaheen kaheen na paDee ho tamannaa jiine kee Phir ek baar unheen jangalon men jaa dekhoon Wo roz shaam ko 'alvee' idhar se jaatee hai To kya main aaj use apne ghar bulaa dekhoon