safar men sochte rahte hain Chaaon aae kahiin

Safar men sochte rahte hain Chaaon aa.e kaheen Ye dhoop sara samundar hee pee na jaa.e kaheen Main khud ko marte hue dekh kar bahut khush hoon Ye Dar bhee hai ki miree aankh khul na jaa.e kaheen Havaa kaa shor hai baadal hain aur Kuch bhee nahin Jahaaz Toot hee jaa.e zameen dikhaa.e kaheen Chalaa to hoon magar is baar bhee ye dhaDkaa hai Ye raasta bhee mujhe phir yaheen na laa.e kaheen Khamosh rahnaa tumhaaraa buraa na thaa 'alvee' Bhulaa diyaa tumhen sab ne na yaad aa.e kaheen