aag ashk e garm ko lage ji kya hi jal gaya

Aag ashk-e-garm ko lage jee kya hee jal gaya Aansoo choo us ne ponchhe shab aur haath phal gaya PhoDaa thaa dil na thaa ye mue par khalal gaya Jab Thes saans kee lagee dam hee nikal gaya Kya ro.uun kheera-chashmee-e-bakht-e-siyaah ko Vaan shaghl-e-surma hai abhee yaan sail Dhal gaya Kee mujh ko haath malne kee ta.aleem varna kyuun Ghairon ko aage bazm men wo itr mal gaya Us kooche kee havaa thee ki meree hee aah thee Koee to dil kee aag pe pankhaa saa jhal gaya Jon khuftagaan-e-khaak hai apnee fataadgee Aayaa jo zalzala kabhee karvaT badal gaya Us naqsh-e-paa ke sajde ne kya kya kiyaa zaleel Main koocha-e-raqeeb men bhee sar ke bal gaya Kuch jee giraa paDe thaa par ab too ne naaz se Mujh ko giraa diyaa to miraa jee sanbhal gaya Mil jaa.e gar ye khaak men us ne vahaan kee khaak Gul kee thee kyuun ki paanv wo naazuk phisal gaya But-khaane se na ka.abe ko takleef de mujhe 'momin' bas ab muaaf ki yaan jee bahal gaya