ai aarzu e qatl zaraa dil ko thaamnaa

Ai aarzu-e-qatl zaraa dil ko thaamnaa Mushkil paDaa miraa mire qaatil ko thaamnaa Taaseer-e-be-qaraari-e-naakaam aafreen Hai kaam un se shokh-e-shamaa.il ko thaamnaa Dekhe hai chaandnee wo zameen par na gir paDe Ai charkh apne too mah-e-kaamil ko thaamnaa Muztar hoon kis kaa tarz-e-sukhan se samajh gaya Ab zikr kya hai saama-e-aaqil ko thaamnaa Ho sarsar-e-fughaan se na kyoonkar wo muztarib Mushkil huaa hai parda-e-mahmil ko thaamnaa Seekhe hain mujh se naalaa-e-nai aasmaan-shikan Sayyaad ab qafas men anaadil ko thaamnaa Ye zulf kham-ba-kham na ho kya taab-e-ghair hai Tere junoon-zade kee salaasil ko thaamnaa Ai hamdam aah talkhi-e-hijraan se dam nahin Girtaa hai dekh jaam-e-halaahil ko thaamnaa Seemaab-vaar mar ga.e zabt-e-qalaq se ham Kya qahr hai tabee.at-e-maa.il ko thaamnaa Aaghosh-e-gor ho ga.ee aakhir lahooluhaan Aasaan nahin hai aap ke bismil ko thaamnaa Siine pe haath dharte hee Kuch dam pe ban ga.ee Lo jaan kaa azaab huaa dil ko thaamnaa Baaqee hai shauq-e-chaak-e-garebaan abhee mujhe Bas ai rafoogar apnee anaamil ko thaamnaa Mat maangiyo amaan buton se ki hai haraam 'momin' zabaan-e-behooda saa.il ko thaamnaa