dekh lo shauq e naa tamaam miraa

Dekh lo shauq-e-naa-tamaam miraa Ghair le jaa.e hai payaam miraa Be-asar hai fughaan-e-khoon-aalood Kyuun na ho.e kharaab kaam miraa Aatisheen khoo se aarzoo-e-visaal Pak gaya ab khayaal-e-khaam miraa Dekhnaa kasrat-e-balaa-noshee Kaasa-e-aasmaa۔n hai jaam miraa Rutba uftaadgee kaa dekho hai 'arsh ke bhee pare maqaam miraa Kis sanam ko chhuDaa diyaa vaa'iz Le khuda tujh se intiqaam miraa Ho ke yoosuf jo dil churaate ho Kaun ho jaa.egaa ghulaam miraa Us lab-e-laa'l kee shikaayat hai Kyoonki rangeen na ho kalaam miraa Too ne rusvaa kiyaa mujhe ab tak Koee bhee jaantaa thaa naam miraa Zaanoo-e-but pe jaan dee dekhaa 'momin' anjaam-o-ikhtitaam miraa Bandagee kaam aa rahee aakhir Main na kahtaa thaa kyuun salaam miraa