diida e hairaan ne tamaashaa kiyaa

Deeda-e-hairaan ne tamaashaa kiyaa Der talak wo mujhe dekhaa kiyaa Zabt-e-fughaan go ki asar thaa kiyaa Hausla kya kya na kiyaa kya kiyaa Aankh na lagne se shab ahbaab ne Aankh ke lag jaane kaa charchaa kiyaa Mar ga.e us ke lab-e-jaan-bakhsh par Ham ne ilaaj aap hee apna kiyaa Bujh ga.ee ik aah men sham-e-hayaat Mujh ko dam-e-sard ne ThanDaa kiyaa Ghair ayaadat se buraa maante Qatl kiyaa aan ke achchhaa kiyaa Un se paree-vash ko na dekhe koi Mujh ko miree sharm ne rusvaa kiyaa Zindagee-e-hijr bhee ik maut thee Marg ne kya kaar-e-maseehaa kiyaa Paan men ye rang kahaan aap ne Aap mire Khoon kaa da.avaa kiyaa Jaur kaa shikva na karoon zulm hai Raaz miraa sabr ne ifshaa kiyaa Kuch bhee ban aatee nahin kya keejiye Us ke bigaDne ne Kuch aisa kiyaa Jaa.e thee teree mire dil men so hai Ghair se kyuun shikva-e-bejaa kiyaa Rahm falak aur mire haal par Too ne karam ai sitam-aaraa kiyaa Sach hee sahee aap kaa paimaan vale Marg ne kab waada-e-fardaa kiyaa Da.ava-e-takleef se jallaad ne Roz-e-jazaa qatl phir apna kiyaa Marg ne hijraan men chhupaayaa hai munh Lo munh usee parda-nasheen kaa kiyaa Dushman-e-'momin' hee rahe but sadaa Mujh se mire naam ne ye kya kiyaa