dil men us shokh ke jo raah na ki

Dil men us shokh ke jo raah na kee Ham ne bhee jaan dee par aah na kee Parda-poshee zaroor thee ai charkh Kyuun shab-e-bul-havas siyaah na kee Tishna-lab aise ham gire mai par Ki kabhee sair-e-eed-gaah na kee Us ko dushman se kya bachaa.e wo charkh Jis ne tadbeer-e-khasf-e-maah na kee Kaun aisa ki us se poochhe kyuun Pursish-e-haal daad-khvaah na kee Thaa bahut shauq-e-vasl too ne to Kamee ai husn taab-gaah na kee Ishq men kaam Kuch naheen aataa Gar na kee hirs-o-maal-o-jaah na kee Taab-e-kam-zarf ko kahaan tum ne Dushmanee kee adoo se chaah na kee Main bhee Kuch khush naheen wafa kar ke Tum ne achchhaa kiyaa nibaah na kee Mohtasib ye sitam ghareebon par Kabhee tambeeh-e-baadshaah na kee Girya-o-aah be-asar donon Kis ne kashtee miree tabaah na kee Thaa muqaddar main us se kam milnaa Kyuun mulaaqaat gaah gaah na kee Dekh dushman ko uTh gaya be-deed Mere ahvaal par nigaah na kee 'momin' is zehn-e-be-khataa par haif Fikr-e-aamurzish-e-gunaah na kee