gairon pe khul na jaae kahiin raaz dekhnaa

Ghairon pe khul na jaa.e kaheen raaz dekhnaa Meree taraf bhee ghamza-e-ghammaaz dekhnaa Udhte hee rang-e-rukh miraa nazron se thaa nihaan Is murgh-e-par-shikasta kee parvaaz dekhnaa Dushnaam-e-yaar tab-e-hazeen par giraan naheen Ai ham-nafas nazaakat-e-awaaz dekhnaa Dekh apna haal-e-zaar munajjim huaa raqeeb Thaa saazgaar taala-e-naa-saaz dekhnaa Bad-kaam kaa ma.aal buraa hai jazaa ke din Haal-e-sip.har-e-tafraqa-andaaz dekhnaa Mat rakhiyo gard-e-taarik-e-ushshaaq par qadam Paamaal ho na jaa.e sar-afraaz dekhnaa Meree nigaah-e-kheera dikhaate hain ghair ko Be-taaqatee pe sarzanish-e-naaz dekhnaa Tark-e-sanam bhee kam naheen soz-e-jaheem se 'momin' gham-e-ma.aal kaa aaghaaz dekhnaa