gar gair ke ghar se na dil aaraam nikaltaa

Gar ghair ke ghar se na dil-aaraam nikaltaa Dam kaahe ko yuun ai dil-e-naakaam nikaltaa Main vahm se martaa hoon vahaan ro.ab se us ke Qaasid kee zabaan se nahin paighaam nikaltaa Karte jo mujhe yaad shab-e-vasl adoo tum Kya sub.h ki khursheed na taa-shaam nikaltaa Jab jaante taaseer ki dushman bhee vahaan se Apnee tarah ai gardish-e-ayyaam nikaltaa Har ek se us bazm men shab poochhte the naam Thaa lutf jo koi miraa hamnaam nikaltaa Kyuun kaam talab hai mire aazaar se gardoon Naakaam se dekhaa hai kaheen kaam nikaltaa Thee nauha-zanee dil ke janaaze pe zarooree Shaayad ki wo ghabraa ke sar-e-baam nikaltaa KaanTaa saa khaTaktaa hai kaleje men gham-e-hijr Ye khaar nahin dil se gul-andaam nikaltaa Hooren nahin 'momin' ke naseebon men jo hoteen But-khaane hee se kyuun ye bad-anjaam nikaltaa