gussa begaana vaar honaa tha

Ghussa begaana-vaar honaa tha Bas yahee tujh se yaar honaa tha Kya shab-e-intizaar honaa tha Naahaq ummeed-vaar honaa tha Kyuun na hote aziiz ghair tumhen Meree qismat men khvaar honaa tha Mujh se jannat men wo sanam na milaa Hashr aur ek baar honaa tha Gar na thee ai dil us ke ranj kee taab Kyuun shikaayat-guzaar honaa tha Khaak hota na main to kya kartaa Us ke dar kaa ghubaar honaa tha Harza-gardee se ham zaleel hue Charkh kaa aitbaar honaa tha Marg-e-shaam-e-visaal-e-hirmaan hai Sub.h-dam jaan-nisaar honaa tha Aur se ham-kanaar hai dushman Aaj to ham-kanaar honaa tha Shikva-e-dahr par kahaa tum ko Aafat-e-rozgaar honaa tha Chashm-e-be-ikhtiyaar-e-jaanaan men Kya miraa ikhtiyaar honaa tha Sabr kar sabr ho chukaa jo kuch Ai dil-e-be-qaraar honaa tha Koo-e-dushman men jaa pakaDtaa kyuun Kya mujhe sharmsaar honaa tha Wo namak-paash bhee nahin hote Yuun hee dil ko figaar honaa tha Khaak men haif ye sharaab mile Mohtasib baada-khvaar honaa tha Na gaya teer-e-naala soo-e-raqeeb Murgh-e-arshee shikaar honaa tha Raat din baada o sanam 'momin' Kuch to parhez-gaar honaa tha