hai dil men gubaar us ke ghar apna na karenge

Hai dil men ghubaar us ke ghar apna na karenge Ham khaak men milne kee tamannaa na karenge Kyoonkar ye kahen minnat-e-aadaa na karenge Kya kya na kiyaa ishq men kya kya na karenge Hans hans ke wo mujh se hee mire qatl kee baaten Is tarah se karte hain ki goyaa na karenge Kya naame men likkhoon dil-e-vaabasta kaa ahvaal Maaloom hai pahle hee ki wo vaa na karenge Ghairon se shakar-lab sukhan-e-talkh bhee teraa Har chand halaahil ho gavaaraa na karenge Beemaar-e-ajal-chaara ko gar hazrat-e-eesaa Achchhaa bhee karenge to Kuch achchhaa na karenge Jhunjhlaate ho kya deejiye ik bosa dahan kaa Ho jaa.enge lab band to ghaughaa na karenge Deevaar ke gir paDte hee uThne lage toofaan Ab baith ke kone men bhee royaa na karenge Gar saamne us ke bhee gire ashk to dil se Kyuun roz-e-jazaa Khoon kaa daavaa na karenge Kis vaqt kiyaa mardumak-e-chashm kaa shikva Ai parda-nasheen ham tujhe rusvaa na karenge Naaseh kaf-e-afsos na mal chal tujhe kya kaam Paamaal karenge wo mujhe yaa na karenge Us koo men Thaharne na diyaa josh-e-qalaq ne Aghyaar se ham shikva-e-bejaa na karenge Gar zikr-e-wafa se yahee ghussa hai to ab se Go qatl kaa waada ho taqaazaa na karenge 'momin' wo ghazal kahte hain ab jis se ye mazmoon Khul jaa.e ki tark-e-dar-e-but-khaana karenge