ham samajhte hain aazmaane ko

Ham samajhte hain aazmaane ko Uzr Kuch chaahiye sataane ko Sang-e-dar se tire nikaalee aag Ham ne dushman kaa ghar jalaane ko Sub.h-e-ishrat hai wo na shaam-e-visaal Haa.e kya ho gaya zamaane ko Bul-havas ro.e mere girye pe ab Munh kahaan tere muskuraane ko Barq kaa aasmaan par hai dimaagh Phoonk kar mere aashiyaane ko Sang-e-sauda junoon men lete hain Apna ham maqbara banaane ko Shikva hai ghair kee kudoorat kaa So mire khaak men milaane ko Roz-e-mahshar bhee hosh gar aayaa Jaa.enge ham sharaab-khaane ko Sun ke vasf us pe mar gaya hamdam Khuub aayaa thaa gham uThaane ko Koee din ham jahaan men baiThe hain Aasmaan ke sitam uThaane ko Chal ke kaabe men sajda kar 'momin' ChhoD us but ke aastaane ko Naqsh-e-paa-e-raqeeb kee mehraab Naheen zebinda sar jhukaane ko