ho na betaab adaa tumhaarii aaj

Ho na betaab adaa tumhaaree aaj Naaz kartee hai be-qaraaree aaj UD gaya khaak par ghubaar apna Ho ga.ee khaak khaaksaaree aaj Naza.a hai aur roz va.ada-e-vasl Hai bahar-taur dam-shumaaree aaj Maana-e-qatl kyuun huaa dushman Jaan hee jaa.egee hamaaree aaj Tere aate hee dam men dam aayaa Ho ga.ee yaas umeed-vaaree aaj Koi bheenche hai dil ko pahloo men Kis ne kee us se ham-kinaaree aaj Us ke shikve se hai asar zaahir Kuch to kahtee hai aah-o-zaaree aaj Ik na.ee aarzoo kaa Khoon huaa Ham hain aur taaza sogvaaree aaj ChhuT ga.e mar ke nesh-e-hijraan se Kaam aayaa hai zakhm-e-kaaree aaj Bekasee kyuun hai na.ash par majma.a Kya huee too miree piyaaree aaj Bhoole hazrat naseehat ai naaseh Hai kisee kee to yaadgaaree aaj 'momin' us but ko dekh aah bharee Kya huaa laaf-e-deen-daaree aaj