jaltaa hoon hijr e shaahid o yaad e sharaab men

Jaltaa hoon hijr-e-shaahid o yaad-e-sharaab men Shauq-e-savaab ne mujhe Daalaa azaab men Kahte hain tum ko hosh nahin iztiraab men Saare gile tamaam hue ik javaab men Phailee shameem-e-yaar mire ashk-e-surkh se Dil ko ghazab fishaar huaa pech-o-taab men Cheen-e-jabeen ko dekh ke dil basta-tar huaa Kaisee kushood-e-kaar kushaad-e-naqaab men Ham Kuch to bad the jab na kiyaa yaar ne pasand Ai hasrat is qadar ghalatee intikhaab men Rahte hain jamaa koocha-e-jaanaan men khaas o aam Aabaad ek ghar hai jahaan-e-kharaab men Aankh us kee phir ga.ee thee dil apna bhee phir gaya Ye aur inqilaab huaa inqilaab men Badnaam mere girya-e-rusvaa se ho chuke Ab uzr kya raha nigah-e-be-hijaab men Matlab kee justujoo ne ye kya haal kar diyaa Hasrat bhee ab nahin dil-e-naakaam-yaab men Goyaa ki ro raha hoon raqeebon kee jaan ko Aatish zabaana-zan huee toofaan-e-aab men Naakaamiyon se kaam raha umr bhar hamen Piiree men yaas hai jo havas thee shabaab men Hai ikhtiyaar-e-yaar men suud o ziyaan magar Faazil the ham jahaan se qazaa ke hisaab men Naaseh hai aib-joo o dil-aazaar is qadar Goyaa savaab hai sukhan-e-naa-savaab men Donon kaa ek haal hai ye mudda.aa ho kaash Wo hee khat us ne bhej diyaa kyuun javaab men Taqdeer bhee buree miree taqreer bhee buree BigDe wo pursish-e-sabab-e-ijtinaab men Kya jalve yaad aa.e ki apnee khabar nahin Be-baada mast hoon main shab-e-maahtaab men Hai minnaton kaa vaqt shikaayat rahee rahee Aa.e to hain manaane ko wo par itaab men Teree jafaa na ho to hai sab dushmanon se amn Badmast ghair mahv dil aur bakht khvaab men Paiham sujood paa-e-sanam par dam-e-vidaa 'momin' khuda ko bhuul ga.e iztiraab men