mahshar men paas kyuun dam e fariyaad aa gaya

Mahshar men paas kyuun dam-e-fariyaad aa gaya Rahm us ne kab kiyaa thaa ki ab yaad aa gaya Uljhaa hai paanv yaar kaa zulf-e-daraaz men Lo aap apne daam men sayyaad aa gaya Naakaamiyon men tum ne jo tashbeeh mujh se dee Sheereen ko dard-e-talkhi-e-farhaad aa gaya Ham chaaraagar ko yuun hee pahnaa.enge beDiyaan Qaaboo men apne gar wo paree-zaad aa gaya Dil ko qalaq hai tark-e-mohabbat ke baad bhee Ab aasmaan ko shikva-e-bedaad aa gaya Wo bad-gumaan huaa jo kaheen sher men mire Zikr-e-butaan-e-khalkh-o-naushaad aa gaya The be-gunaah jur.at-e-paa-bos thee zaroor Kya karte vahm-e-khajlat-e-jallaad aa gaya Jo ho chukaa yaqeen ki nahin taaqat-e-visaal Dam men hamaare wo sitam-eejaad aa gaya Zikr-e-sharaab-o-hoor kalaam-e-khuda men dekh 'momin' main kya kahoon mujhe kya yaad aa gaya