na intizaar men yaan aankh ek aan lagii

Na intizaar men yaan aankh ek aan lagee Na haa.e haa.e men taaloo se shab zabaan lagee Jalaa jigar tap-e-gham se phaDakne jaan lagee Ilaahee khair ki ab aag paas aan lagee Galee men us kee na phir aate ham to kya karte Tabee.at apnee na jannat ke darmiyaan lagee Jafaa-e-ghair kaa shikva thaa teraa thaa kya zikr Abas ye baat buree tujh ko bad-gumaan lagee Hanso na tum to mire haal par main hoon wo zaleel Ki jis kee zillat-o-khvaaree se tum ko shaan lagee Kahaan wo aah-o-fughaan dam bhee le naheen sakte Hamen ye teree duaa-e-bad aasmaan lagee Main aur us ko bulaa.oongaa roz-e-vasl men lo Ajal bhee karne mohabbat kaa imtihaan lagee Ba-rang-e-soorat-e-bulbul naheen navaa-sanjee Ye kya huaa ki chup ai gulsitaan bayaan lagee Sadaa tumhaaree taraf jee lagaa hee rahtaa hai Tumhaare vaaste hai dil ko mehrbaan lagee Wo keena-tooz thaa 'momin' to dil lagaayaa kyuun Kaho to kya tumhen aisee bhalee wo aan lagee