royaa karenge aap bhi pahron isii tarah

Royaa karenge aap bhee pahron isee tarah ATkaa kaheen jo aap kaa dil bhee miree tarah Aataa naheen hai wo to kisee Dhab se daav men Bantee naheen hai milne kee us ke koee tarah Tashbeeh kis se duun ki tarah-daar kee mire Sab se niraalee vaz.a hai sab se na.ee tarah Mar chuk kaheen ki too gham-e-hijraan se chhooT jaa.e Kahte to hain bhale kee va-lekin buree tarah Ne taab hijr men hai na aaraam vasl men Kam-bakht dil ko chain naheen hai kisee tarah Lagtee hain gaaliyaan bhee tire munh se kya bhalee Qurbaan tere phir mujhe kah le usee tarah Paamaal ham na hote faqat jaur-e-charkh se Aa.ee hamaaree jaan pe aafat ka.ee tarah Ne jaa.e vaan bane hai na bin jaa.e chain hai Kya keejiye hamen to hai mushkil sabhee tarah Ma.ashooq aur bhee hain bataa de jahaan men Kartaa hai kaun zulm kisee par tiree tarah Hoon jaan-ba-lab butaan-e-sitamgar ke haath se Kya sab jahaan men jiite hain 'momin' isee tarah