sabr vahshat asar na ho jaae

Sabr vahshat-asar na ho jaa.e Kaheen sahraa bhee ghar na ho jaa.e Rashk-e-paighaam hai inaan-kash-e-dil Naama-bar raahbar na ho jaa.e Dekho mat dekhiyo ki aa.eena Ghash tumhen dekh kar na ho jaa.e Hijr-e-parda-nasheen men marte hain Zindagee parda-e-dar na ho jaa.e Kasrat-e-sajda se wo naqsh-e-qadam Kaheen paamaal-e-sar na ho jaa.e Mere tagh.eer-e-rang ko mat dekh Tujh ko apnee nazar na ho jaa.e Mere aansoo na ponchhnaa dekho Kaheen daamaan tar na ho jaa.e Baat naaseh se karte Dartaa hoon Ki fughaan be-asar na ho jaa.e Ai qayaamat na aa.iyo jab tak Wo miree gor par na ho jaa.e Maana-e-zulm hai taghaaful-e-yaar Bakht-e-bad ko khabar na ho jaa.e Ghair se be-hijaab milte ho Shab-e-aashiq sahar na ho jaa.e Rashk-e-dushman kaa faa.eda maaloom Muft jee kaa zarar na ho jaa.e Ai dil aahista aah-e-taab-shikan Dekh TukDe jigar na ho jaa.e 'momin' eemaan qubool dil se mujhe Wo but aazurda gar na ho jaa.e