shokh kahtaa hai be hayaa jaanaa

Shokh kahtaa hai be-hayaa jaanaa Dekho dushman ne tum ko kya jaanaa Shola-e-dil ko naaz-e-taabish hai Apna jalva zaraa dikhaa jaanaa Shauq ne doorbaash-e-a.adaa ko Us kee mahfil men marhabaa jaanaa Us ke uThte hee ham jahaan se uThe Kya qayaamat hai dil kaa aa jaanaa Ghar men khud-raftagee se dhuum machee Kyoonke ho us talak miraa jaanaa Poochhnaa haal-e-yaar hai manzoor Main ne naaseh kaa mudda.aa jaanaa Mai na utree gale se jo us bin Mujh ko yaaron ne paarsaa jaanaa Shikva kartaa hai be-niyaazee kaa Too ne 'momin' buton ko kya jaanaa