taa na pade khalal kahiin aap ke khvaab e naaz men

Taa na paDe khalal kaheen aap ke khvaab-e-naaz men Ham naheen chaahte kamee apnee shab-e-daraaz men Aur hee rang aaj hai aariz-e-gul-azaar kaa Khoon-e-dil apna thaa magar go na rukh-e-taraaz men Kyoonki na aadhee aadhee raat jaage wo jis kaa dhyaan ho Aahu-e-neem-khvaab men nargis-e-neem-baaz men Khusrav-e-aish-e-vasl-e-yaar jaan-kanee aur kohkan Apna jigar to Khoon huaa ishq ke imtiyaaz men Bin tire bazm-e-soor men hain ye qabaahaten ki hai Naghma-e-soor kaa asar naghma-e-nai-navaaz men Un se ab iltifaat kee ghair ko hain shikaayaten Sun ke miraa mubaalagha minnat-e-ehtiraaz men Kya sabhee siine jal chuke kya sabhee dil pighal chuke Boo-e-kabaab ab naheen aah-e-jigar-gudaaz men Parda-nasheen ke ishq men parda-daree na ho kaheen Hotee hain be-hijaabiyaan jaan-e-nahufta-raaz men Rakhna-e-dar se ghair paas dekhaa kise ki aaj hai Rakhna-garee Kuch aur hee naala-e-rakhna-saaz men Yaad-e-butaan men laakh baar fart-e-qalaq se ham bhee to BaiThe uThe hain 'momin' aap gir rahe shab namaaz men