thii vasl men bhi fikr e judaaii tamaam shab

Thee vasl men bhee fikr-e-judaa.ee tamaam shab Wo aa.e to bhee niind na aa.ee tamaam shab Vaan ta.ana teer-e-yaar yahaan shikva zakhm-rez Baaham thee kis maze kee laDaa.ee tamaam shab Rangeen hain khoon-e-sar se wo haath aaj-kal rahe Jis haath men wo dast-e-hinaa.ee tamaam shab Taaloo se yaan zabaan sahar tak nahin lagee Thaa kis ko shaghl-e-naghma-e-saraa.ee tamaam shab Yak baar dekhte hee mujhe ghash jo aa gaya Bhoole the wo bhee hosh-ruhaa.ee tamaam shab Mar jaate kyuun na sub.h ke hote hee hijr men Takleef kaisee kaisee uThaa.ee tamaam shab Garm-e-javaab-e-shikva-e-jaur-e-adoo raha Us sho'la-khoo ne jaan jalaa.ee tamaam shab Kahtaa hai mehr-vash tumhen kyuun ghair gar nahin Din bhar hamesha vasl judaa.ee tamaam shab Dhar paanv aastaan pe ki is aarzoo men aah Kee hai kisee ne naasiya-saa.ee tamaam shab 'momin' main apne naalon ke sadqe ki kahte hain Un ko bhee aaj niind na aa.ee tamaam shab