tum bhi rehne lage khafaa saahab

Tum bhee rehne lage khafaa saahab Kaheen saaya miraa paDaa saahab Hai ye banda hee bevafaa saahab Ghair aur tum bhale bhalaa saahab Kyuun ulajhte ho jumbish-e-lab se Khair hai main ne kya kiyaa saahab Kyuun lage dene khatt-e-aazaadee Kuch gunah bhee ghulaam kaa saahab Haa.e ree chheD raat sun sun ke Haal meraa kahaa ki kya saahab Dam-e-aakhir bhee tum naheen aate Bandagee ab ki main chalaa saahab Sitam aazaar zulm o jaur o jafaa Jo kiyaa so bhalaa kiyaa saahab Kis se bigDe the kis pe ghussa thaa Raat tum kis pe the khafaa saahab Kis ko dete the gaaliyaan laakhon Kis kaa shab zikr-e-khair thaa saahab Naam-e-ishq-e-butaan na lo 'momin' Keejiye bas khuda khuda saahab