wo kahaan saath sulaate hain mujhe

Wo kahaan saath sulaate hain mujhe Khvaab kya kya nazar aate hain mujhe Us paree-vash se lagaate hain mujhe Log deevaana banaate hain mujhe Yaa rab un kaa bhee janaaza uTThe Yaar us koo se uThaate hain mujhe Abru-e-tegh se iimaa hai ki aa Qatl karne ko bulaate hain mujhe Bevafaa.ee kaa adoo kee hai gila Lutf men bhee wo sataate hain mujhe Hairat-e-husn se ye shakl banee Ki wo aa.eena dikhaate hain mujhe Phoonk de aatish-e-dil daagh mire Us kee khoo yaad dilaate hain mujhe Gar kahe ghamza kise qatl karoon To ishaarat se bataate hain mujhe Main to us zulf kee boo par ghash hoon Chaaraagar mushk sunghaate hain mujhe Sho.ala-roo kahte hain aghyaar ko wo Apne nazdeek jalaate hain mujhe Jaan ga.ee par na ga.ee jaur-kashee Ba.ad-e-murdan bhee dabaate hain mujhe Wo jo kahte hain tujhe aag lage Muzhda-e-vasl sunaate hain mujhe Ab ye soorat hai ki ai parda-nasheen Tujh se ahbaab chhupaate hain mujhe 'momin' aur dair khuda khair kare Taur beDhab nazar aate hain mujhe