ye uzr e imtihaan e jazb e dil kaisaa nikal aayaa

Ye uzr-e-imtihaan-e-jazb-e-dil kaisaa nikal aayaa Main ilzaam us ko detaa thaa qusoor apna nikal aayaa Na shaadee-marg hoon kyoonkar hai muzhda qatl-e-dushman kaa Ki ghar men se liye shamsheer wo rotaa nikal aayaa Sitam ai garmi-e-zabt-e-fughaan-o-aah chhaatee par Kabhoo bas paD gaya chhaalaa kabhoo phoDaa nikal aayaa Kiyaa zanjeer mujh ko chaara-gar ne kin dinon men jab Adoo kee qaid se wo shokh-e-be-parvaa nikal aayaa Nikal aayaa agar aansoo to zaalim mat nikaal aankhen Sunaa ma.azoor hai muztar nikal aayaa nikal aayaa Hamaare khoon-bahaa kaa ghair se da.avaa hai qaatil ko Ye baad-e-infisaal ab aur hee jhagDaa nikal aayaa Huee bulbul sanaa-khvaan-e-dahaan-e-tang kis gul kee Ki farvardee men ghunche kaa munh itnaa saa nikal aayaa Koee tiir us kaa dil men rah gaya thaa kya ki aankhon se Abhee rone men ik paikaan kaa TukDaa nikal aayaa Dam-e-bismil ye kis ke khauf se ham pee ga.e aansoo Ki har zakhm-e-badan se Khoon kaa Dariya nikal aayaa Khadang-e-yaar ke hamraah niklee jaan siine se Yahee armaan ik muddat se jee men thaa nikal aayaa Bahut naazaan hai too ai qais par vahshat dikhaa.oongaa Kitaabon men kabhoo qissa jo 'momin' kaa nikal aayaa