bulandii der tak kis shakhs ke hisse men rahtii hai

Bulandee der tak kis shakhs ke hisse men rahtee hai Bahut oonchee 'imaarat har ghaDee khatre men rahtee hai Bahut jee chaahtaa hai qaid-e-jaan se ham nikal jaa.en Tumhaaree yaad bhee lekin isee malbe men rahtee hai Ye aisa qarz hai jo main adaa kar hee naheen saktaa Main jab tak ghar na lauToon meree maan sajde men rahtee hai Ameeree resham-o-kam-khvaab men nangee nazar aa.ee Ghareebee shaan se ik TaaT ke parde men rahtee hai Main insaan hoon bahak jaanaa miree fitrat men shaamil hai Havaa bhee us ko chhoo kar der tak nashshe men rahtee hai Mohabbat men parakhne jaanchne se faa.eda kya hai Kamee thoDee bahut har ek ke shajre men rahtee hai Ye apne aap ko taqseem kar letaa hai soobon men Kharaabee bas yahee har mulk ke naqshe men rahtee hai