Dariya dili se abr e karam bhi nahin milaa
— Munawwar Rana
Dariya-dilee se abr-e-karam bhee nahin milaa
Lekin mujhe naseeb se kam bhee nahin milaa
Phir ungliyon ko Khoon men Dubonaa paDaa hamen
Jab ham ko maangne pe qalam bhee nahin milaa
Sach bolne kee raah men tanhaa hameen mile
Is raaste men shaikh-e-haram bhee nahin milaa
Main ne to saaree umr nibhaa.ee hai dostee
Wo mujh se khaa ke meree qasam bhee nahin milaa
Dil ko khushee bhee had se ziyaada nahin milee
Kaase ke aitbaar se gham bhee nahin milaa