Dunya tirii raunaq se main ab uub raha hoon

Dunya tiree raunaq se main ab uub raha hoon Too chaand mujhe kahtee thee main Doob raha hoon Ab koi shanaasaa bhee dikhaa.ee nahin detaa Barson main isee shahr kaa mahboob raha hoon Main khvaab nahin aap kee aankhon kee tarah thaa Main aap kaa lahja nahin usloob raha hoon Rusvaa.ee mire naam se mansoob rahee hai Main khud kahaan rusvaa.ee se mansoob raha hoon Sachchaa.ee to ye hai ki tire qarya-e-dil men Ik wo bhee zamaana thaa ki main khuub raha hoon Us shahr ke patthar bhee gavaahee miree denge Sahraa bhee bataa degaa ki majzoob raha hoon Dunya mujhe saahil se khaDee dekh rahee hai Main ek jazeere kee tarah Doob raha hoon Shohrat mujhe miltee hai to chup-chaap khaDee rah Rusvaa.ee main tujh se bhee to mansoob raha hoon Phenk aa.e the mujh ko bhee mire bhaa.ee kuen men Main sabr men bhee hazrat-e-ayyoob raha hoon