ishq hai to ishq kaa izhaar honaa chaahiye

Ishq hai to ishq kaa iz.haar honaa chaahiye Aap ko chehre se bhee beemaar honaa chaahiye Aap Dariya hain to phir is vaqt ham khatre men hain Aap kashtee hain to ham ko paar honaa chaahiye Aire-ghaire log bhee paDhne lage hain in dinon Aap ko aurat nahin akhbaar honaa chaahiye Zindagee too kab talak dar-dar phiraa.egee hamen TooTaa-phooTaa hee sahee ghar-baar honaa chaahiye Apnee yaadon se kaho ik din kee chhuTTee de mujhe Ishq ke hisse men bhee itvaar honaa chaahiye