judaa rahtaa hoon main tujh se to dil be taab rahtaa hai

Judaa rahtaa hoon main tujh se to dil be-taab rahtaa hai Chaman se duur rah ke phuul kab shaadaab rahtaa hai Andhere aur ujaale kee kahaanee sirf itnee hai Jahaan mahboob rahtaa hai vaheen mahtaab rahtaa hai Muqaddar men likhaa kar laa.e hain ham boriyaa lekin Tasavvur men hamesha resham-o-kam-khvaab rahtaa hai Hazaaron bastiyaan aa jaa.engee toofaan kee zad men Miree aankhon men ab aansoo naheen sailaab rahtaa hai Bhale lagte hain scholon kee uniform men bachche Kanval ke phuul se jaise bharaa taalaab rahtaa hai Ye baazaar-e-havas hai tum yahaan kaise chale aa.e Ye sone kee dukaanen hain yahaan tezaab rahtaa hai Hamaaree har pareshaanee inhee logon ke dam se hai Hamaare saath ye jo halqa-e-ahbaab rahtaa hai BaDee mushkil se aate hain samajh men lucknow vaale Dilon men faasle lab par magar aadaab rahtaa hai