Kuch khilaune kabhi aangan men dikhaaii dete
— Munawwar Rana
Kuch khilaune kabhee aangan men dikhaa.ee dete
Kaash ham bhee kisee bachche ko miThaa.ee dete
Suune panghaT kaa koee dard-bharaa giit the ham
Shahr ke shor men kya tujh ko sunaa.ee dete
Kaheen be-noor na ho jaa.en wo booDhee aankhen
Ghar men Darte the khabar bhee mire bhaa.ee dete
Saath rehne se bhee khil jaate hain rishton ke kanval
Bandishen rone lageen mujh ko rihaa.ee dete
In sisakte hue rishton ke kahaan the qaa.il
Varna ham aur tujhe daagh-e-judaa.ee dete
Siskiyaan us kee na dekhee ga.iin mujh se 'ra.anaa'
Ro paDaa main bhee use pahlee kamaa.ee dete