mere school

Mere schol miree yaadon ke paikar sun le Main tire vaaste rotaa hoon baraabar sun le Tere ustaadon ne mehnat se paDhaayaa hai mujhe Teree benchon ne hee insaan banaayaa hai mujhe Naa-taraasheeda saa hiiraa tha taraashaa too ne Zehn-e-taareek ko bakhshaa hai ujaalaa too ne Ilm kee jhiil kaa tairaak banaayaa hai mujhe Khauf ko chheen ke bebaak banaayaa hai mujhe Tujh se shafqat bhee milee tujh se mohabbat bhee milee Daulat-e-ilm milee mujh ko sharaafat bhee milee Shafqaten aisi milee hain mujhe ustaadon kee Parvarish kartaa ho jaise koi shahzaadon kee Teree chaahat men main is darja bhee kho jaataa tha Teree benchon pe hee kuch der ko so jaataa tha Mere school meri yaadon ke paikar sun le Main tere waste rota hun barabar sun le Tere ustadon ne mehnat se paDhaya hai mujhe Teri benchon ne hi insan banaya hai mujhe Na-tarashida sa hira tha tarasha tu ne Zehn-e-tarik ko baKHsha hai ujala tu ne Ilm ki jhil ka tairak banaya hai mujhe KHauf ko chhin ke bebak banaya hai mujhe Tujh se shafqat bhi mili tujh se mohabbat bhi mili Daulat-e-ilm mili mujh ko sharafat bhi mili Shafqaten aisi mili hain mujhe ustadon ki Parwarish karta ho jaise koi shahzadon ki Teri chahat mein main is darja bhi kho jata tha Teri benchon pe hi kuch der ko so jata tha