mujh ko gahraaii men mittii ki utar jaanaa hai

Mujh ko gahraa.ee men miTTee kee utar jaanaa hai Zindagee baandh le saamaan-e-safar jaanaa hai Ghar kee dahleez pe raushan hain wo bujhtee aankhen Mujh ko mat rok mujhe lauT ke ghar jaanaa hai Main wo mele men bhaTaktaa huaa ik bachcha hoon Jis ke maan baap ko rote hue mar jaanaa hai Zindagee taash ke patton kee tarah hai meree Aur patton ko bahar-haal bikhar jaanaa hai Ek be-naam se rishte kee tamannaa le kar Is kabootar ko kisee chhat pe utar jaanaa hai