mukhtasar hote hue bhi zindagii badh jaaegii
— Munawwar Rana
Mukhtasar hote hue bhee zindagee baDh jaa.egee
Maan kee aankhen chuum liije raushnee baDh jaa.egee
Maut kaa aanaa to tai hai maut aa.egee magar
Aap ke aane se thoDee zindagee baDh jaa.egee
Itnee chaahat se na dekhaa keejiye mahfil men aap
Shahr vaalon se hamaaree dushmanee baDh jaa.egee
Aap ke hansne se khatra aur bhee baDh jaa.egaa
Is tarah to aur aankhon kee namee baDh jaa.egee
Bevafaa.ee khel kaa hissa hai jaane de ise
Tazkira us se na kar sharmindagee baDh jaa.egee