phir se badal ke mittii ki suurat karo mujhe
— Munawwar Rana
Phir se badal ke miTTee kee soorat karo mujhe
Izzat ke saath dunya se rukhsat karo mujhe
Main ne to tum se kee hee nahin koi aarzoo
Paanee ne kab kahaa tha ki sharbat karo mujhe
Kuch bhee ho mujh ko ek na.ee shakl chaahiye
Deevaar par bichhaao mujhe chhat karo mujhe
Jannat pukaartee hai ki main hoon tire liye
Dunya ba-zid hai mujh se ki jannat karo mujhe