thakan ko odh ke bistar men jaa ke let gae

Thakan ko oDh ke bistar men jaa ke leT ga.e Ham apnee qabr-e-muqarrar men jaa ke leT ga.e Tamaam umr ham ik doosre se laDte rahe Magar mare to baraabar men jaa ke leT ga.e Hamaaree tishna-naseebee kaa haal mat poochho Wo pyaas thee ki samundar men jaa ke leT ga.e Na jaane kaisee thakan thee kabhee naheen utree Chale jo ghar se to daftar men jaa ke leT ga.e Ye bevaqoof unhen maut se Daraate hain Jo khud hee saaya-e-khanjar men jaa ke leT ga.e Tamaam umr jo nikle na the havelee se Wo ek gumbad-e-be-dar men jaa ke leT ga.e Sajaa.e phirte the jhooTee anaa jo chehron par Wo log qasr-e-sikandar men jaa ke leT ga.e Sazaa hamaaree bhee kaaTee hai baal-bachchon ne Ki ham udaas hue ghar men jaa ke leT ga.e