ye durveshon ki bastii hai yahaan aisa nahin hogaa

Ye durveshon kee bastee hai yahaan aisa nahin hogaa Libaas-e-zindagee phaT jaa.egaa mailaa nahin hogaa Share-baazaar men qeemat uchhaltee girtee rahtee hai Magar ye khoon-e-muflis hai kabhi mahngaa nahin hogaa Tire ehsaas kee eenTen lagee hain is imaarat men Hamaaraa ghar tire ghar se kabhi oonchaa nahin hogaa Hamaaree dostee ke biich khud-gharzee bhee shaamil hai Ye be-mausam kaa phal hai ye bahut meeThaa nahin hogaa Puraane shahr ke logon men ik rasm-e-muravvat hai Hamaare paas aa jaao kabhi dhoka nahin hogaa Ye aisi choT hai jis ko hamesha dukhte rahnaa hai Ye aisa zakhm hai jo umr bhar achchhaa nahin hogaa