aadmii chaunk chukaa hai magar utthaa to nahiin

Aadmee chaunk chukaa hai magar uTThaa to nahin Main jise DhoonDh rahaa huun ye wo duniyaa to nahin Ruuh ko dard milaa dard ko aankhen na mileen Tujh ko mahsoos kiyaa hai tujhe dekhaa to nahin Rang see shakl milee hai tujhe khushboo saa mizaaj Laala-o-gul kaheen teraa hee saraapaa to nahin Chehra dekhoon to khad-o-khaal badal jaate hee Chhup ke aa.eene ke peechhe koi baiThaa to nahin Phenk kar maar zameen par na zamaane mujh ko TuuT hee jaa.oongaa jaise main khilaunaa to nahin Zindagee tujh se har ik saans pe samjhautaa karoon Shauq jiine kaa hai mujh ko magar itnaa to nahin Meree aankhon men tire naqsh-e-qadam kaise hain Is saraa.e men musaafir koi Thahraa to nahin Sochte sochte dil Doobne lagtaa hai miraa Zehan kee tah men 'muzaffar' koi dariyaa to nahin