dubone vaalon ko sharminda kar chukaa huungaa
— Muzaffar Warsi
Dubone vaalon ko sharminda kar chukaa hoongaa
Main Duub kar hee sahee paar utar chukaa hoongaa
Pahunch to jaa.oongaa aab-e-hayaat tak lekin
Zabaan bhigone se pahle hee mar chukaa hoongaa
Sunaa.ee jaa.egee jab tak mujhe sazaa-e-sukhan
Sukoot-e-vaqt men aavaaz bhar chukaa hoongaa
Misaal-e-reg huun men saa.aton kee muTThee men
Wo jab tak aa.egaa sara bikhar chukaa hoongaa
Zamaana aa.egaa us vaqt khair-maqdam ko
Jab is jahaan se 'muzaffar' guzar chukaa hoongaa