ham kyuun ye kahen koii hamaaraa nahiin hotaa

Ham kyuun ye kahen koi hamaaraa nahin hotaa Maujon ke liye koi kinaaraa nahin hotaa Dil TuuT bhee jaa.e to mohabbat nahin miTtee Is raah men luT kar bhee khasaaraa nahin hotaa Sarmaaya-e-shab hote hain yuun to sabhee taare Har taara magar sub.h kaa taaraa nahin hotaa Ashkon se kaheen miTtaa hai ehsaas-e-talavvun Paanee men jo ghul jaa.e wo paaraa nahin hotaa Sone kee taraazoo men miraa dard na taulo Imdaad se ghairat kaa guzaaraa nahin hotaa Tum bhee to 'muzaffar' kee kisee baat pe bolo Shaa.er kaa hee lafzon pe ijaaraa nahin hotaa