kya bhalaa mujh ko parakhne kaa natiija niklaa

Kya bhalaa mujh ko parakhne kaa nateeja niklaa Zakhm-e-dil aap kee nazron se bhee gahraa niklaa Tishnagee jam ga.ee patthar kee tarah honTon par Duub kar bhee tire dariyaa se main pyaasaa niklaa Jab kabhi tujh ko pukaaraa miree tanhaa.ee ne Boo uDee phuul se tasveer se saayaa niklaa Koi miltaa hai to ab apnaa pata poochhtaa huun Main tiree khoj men tujh se bhee pare jaa niklaa Mujh se chhuptaa hee rahaa too mujhe aankhen de kar Main hee parda thaa uThaa main to tamaashaa niklaa ToD kar dekh liyaa aa.eena-e-dil too ne Teree soorat ke sivaa aur bataa kya niklaa Nazar aayaa thaa sar-e-baam 'muzaffar' koi Pahunchaa deevaar ke nazdeek to saayaa niklaa