maanaa ki musht e khaak se badh kar nahiin huun main

Maanaa ki musht-e-khaak se baDh kar nahin huun main Lekin havaa ke rahm-o-karam par nahin huun main Insaan huun dhaDakte hue dil pe haath rakh Yuun Duub kar na dekh samundar nahin huun main Chehre pe mal rahaa huun siyaahee naseeb kee Aa.eena haath men hai sikandar nahin huun main Wo lahar huun jo pyaas bujhaa.e zameen kee Chamke jo aasmaan pe wo patthar nahin huun main 'ghaalib' tiree zameen men likkhee to hai ghazal Tere qad-e-sukhan ke baraabar nahin huun main Lafzon ne pee liyaa hai 'muzaffar' miraa lahoo Hangaama-e-sadaa huun sukhan-var nahin huun main