raushnii ke ruup men khushbuu men yaa rangon men aa

Raushnee ke ruup men khushboo men yaa rangon men aa Main tujhe pahchaan loongaa kitne hee chehron men aa Band aankhon men bhee kya hogee tiree be-pardagee Chheen le mujh se ye neenden yaa mire khvaabon men aa Naach uThe raqqaasa-e-jaan dhaDkanon kee thaap par Saaz haathon men uThaa.e dil ke sannaaTon men aa Too jo sharmaataa hai mere saamne aate hue ODh le meraa tasavvur phir miree baahon men aa Kar diye hain zindagee ne mukhtalif hisse mire Mujh se milnaa hai agar baT kar ka.ee saayon men aa Shahr men bhee khaak uDaatee phir rahee hain vahshaten ChhoD veeraane 'muzaffar' ab galee-koochon men aa