safar bhii duur kaa hai raah aashnaa bhii hain

Safar bhee duur kaa hai raah aashnaa bhee hain Chalaa udhar ko huun jis samt kee havaa bhee nahin Guzar rahaa huun qadam rakh ke apnee aankhon par Ga.e dinon kee taraf muD ke dekhtaa bhee nahin Miraa vajood miree zindagee kee had na sahee Kabhi jo tai hee na ho main wo faasla bhee nahin Fazaa men phail chalee meree baat kee khushboo Abhee to main ne havaaon se kuchh kahaa bhee nahin Samajh rahaa huun 'muzaffar' use shareek-e-safar Jo mere saath qadam do qadam chalaa bhee nahin