terii jhalak nigaah ke har zaaviye men hai

Teree jhalak nigaah ke har zaaviye men hai Dekhoon to shakl apnee mire aa.ine men hai LaTkee huee hai ruuh kee suulee pe zindagee Saanson kaa silsila hai ki rassee gale men hai KaanTon kee pyaas ne mujhe kheenchaa barahna-paa Jaise bharee sabeel har ik aable men hai Saanson kee oT le ke chalaa huun charaagh-e-dil Siine men jo nahin wo ghuTan raaste men hai Meree sadaa ke phuul chaDhaate hain mujh pe log Zinda to huun magar miraa fan maqbare men hai Daalon kahaan paDaav ki raste bhee hain ravaan Manzil kahaan mile ki wo khud qaafile men hai Main tujh ko chaahtaa huun go haasil na kar sakoon Lazzat wo qurb men kahaan jo faasle men hai Paayaa sila ye tujh ko 'muzaffar' ne DhoonDh kar Shaamil ab us kaa naam bhee tere pate men hai