zakhm e dil aur haraa khuun e tamannaa se huaa

Zakhm-e-dil aur haraa khoon-e-tamannaa se huaa Tishnagee kaa miree aaghaaz hee dariyaa se huaa Chubh ga.ee halq men kaanTon kee tarah pyaas miree Dasht sairaab mire aabla-e-paa se huaa Dil-e-zinda ko chunaa dard kee deevaaron men Rok letee mujhe itnaa bhee na duniyaa se huaa Sar men sauda thaa magar paanv men zanjeer na thee Khaak uDaataa rahaa mansoob na sahraa se huaa Pher diin kis ne salaakhen see miree aankhon men Kaun angusht-numaa taaq-e-tamaashaa se huaa Duur jaa kar miree aavaaz sunee duniyaa ne Fan ujaagar miraa aa.eena-e-fardaa se huaa Boo mizaajon se ga.ee rang uDe chehron ke Khush yahaan kaun mire deeda-e-beenaa se huaa Ajnabee saa nazar aayaa huun 'muzaffar' khud ko Be-takalluf jo main is ahd-e-shanaasaa se huaa