zindagii jis par hanse aisii koii khwaish na kii

Zindagee jis par hanse aisee koi khwaish na kee Ghaao siine men sajaa.e ghar kee aaraa.ish na kee Nukta-cheenee par miree tum itne bargashta na ho Kah diyaa jo kuchh bhee dil men thaa magar saazish na kee Ek se haalaat aa.e hain nazar har daur men Ruk ga.e mere qadam yaa vaqt ne gardish na kee Jhuk gaya qadmon pe tere phir bhee sar oonchaa rahaa Aankh patthar ho ga.ee jalvon kee farmaa.ish na kee Laakh nazron ko uchhaalaa too na aayaa baam par Saa.e sar paTkhaa kiye deevaar ne jumbish na kee Main ne jin aankhon ko siine men utaaraa phir ga.iin Khud ko apnaane kee is Dar se kabhi koshish na kee Rah ke mahdood-e-vasaa.il kee 'muzaffar' ne basar Paanv phailaa kar kabhi chaadar kee paimaa.ish na kee