dayaar e dil ki raat men charaag saa jalaa gaya

Dayaar-e-dil kee raat men charaagh saa jalaa gaya Milaa naheen to kya huaa wo shakl to dikhaa gaya Wo dostee to khair ab naseeb-e-dushmanaan huee Wo chhoTee chhoTee ranjishon kaa lutf bhee chalaa gaya Judaa.iyon ke zakhm dard-e-zindagee ne bhar diye Tujhe bhee niind aa ga.ee mujhe bhee sabr aa gaya Pukaartee hain fursaten kahaan ga.iin wo sohbaten Zameen nigal ga.ee unhen ki aasmaan khaa gaya Ye sub.h kee safediyaan ye dopahar kee zardiyaan Ab aa.ine men dekhtaa hoon main kahaan chalaa gaya Ye kis khushee kee ret par ghamon ko niind aa ga.ee Wo lahr kis taraf ga.ee ye main kahaan samaa gaya Ga.e dinon kee laash par paDe rahoge kab talak Alam-kasho uTho ki aaftaab sar pe aa gaya